!!!!!! الجواز وسنينه

كل ما حد يشوفني أو أنا أشوف حد نتكلم عن الجواز، مهما كان الموضوع الي أحنا بنتكلم فيه بعيد عن الجواز، لازم في النهاية نلاقي نفسنا بنتكلم عنه، إذا كلمت واحدة في السياسة تلاقيها تقولك : آه ما هى الحكومة مش عايزة الشباب يتنيل يتجوز عشان ما يخلفش كتير هى البلد ناقصة؟!!!

لو كلمت واحدة في الاقتصاد تقولك : أيوة هى البنات مش لاقية تتجوز من شوية!!!!

لو كلمت واحدة في التعليم تقولي : أيوة أهى حاجة تشغلي نفسك بيها لحد ما يجيلك ابن الحلال ، بدل ما تفضلي قاعدة في البيت كده ولا حد يشوفك ولا يعرفك، أمال العرسان ها تشوفك أزاي؟!!!!!!!!!!!!!!!!!!!!!!!!!!!!!!!!!!!!!!!!

وهكذا كل المواضيع تؤدي في النهاية إلى الجواز- كل الطرق تؤدي إلى روما- بس أنا أكتر سؤال بيضايقني في حياتي السؤال الغبي الي ما تسألهولكيش غير واحدة مخطوبة أو متجوزة أو على الأقل راسمة على واحد ومالية إيدها منه " هو ما فيش حاجة جاية في السكة؟!" أنا كنت فاكرة إن ده سؤال بيتسأل للستات المتجوزيين ومستنيين يبقوا حوامل ، لكن اكتشفت أنه بيتسأل للبنات العوانس الي وصلوا لعشرين سنة زي حلاتي ولسة ما اصطادوش عريس محترم!!! وصدقوني السؤال ده سخيف في الحالتين والإجابة المناسبة والوحيدة عليه هى " وانتي مال أهل حضرتك؟" ولازم حضرتك دي عشان احنا ناس مؤدبين:)

أنا بس عايزة أسأل هو الهدف من وجود المرأة في الحياة إنها تتجوز بس؟؟؟؟؟ يعني لو ما اتجوزتش تبقى مجرد كائن مش عرفين اه هى لازمته حتى الآن، الشئ الي يغيظ إن المرأة ملهاش أى دور في موضوع الجواز ، يعني لا تقدر تقول أنا هاتجوز فلان بعد تلات ولا اربع سنين ولو ما وافقش عليا هاروح اتقدم لفلان وعلان ......... كل ده هى ما تقدرش تعمله ولو قدرت ما تحبش تعمله يبقى ليه أحنا حاصرين كل وجودها وتكوينها في أنها تحصل على راجل وبس؟؟؟؟؟ هل أحنا فعلا زي ما المخرجة الي مش عايزيين نقول اسمها ، قالت " إحنا مجتمع بيفكر بنصه التحتاني بس!!!!!!!!!!!!!!!!!!!!!!!!!!!!!!!!"

سلمى