متى تعرف أنك في جامعة مصرية؟

1. لما تروح تحضر محاضرة تلاقيها اتلغت، ولما تسأل ليه يقولولك أصل ما فيش مدرجات فاضية أنهاردة!!!
2. لما تروح تسأل على الكتب قبل الامتحانات بأسبوع، يقولولك تعالى اسئل تاني بعد أسبوع!!!
3. لما تدخل مكتبة الكلية عشان تقرا كتاب وما تلاقيهوش، وان لاقيته مايرضوش يدهولك عشان ده كتاب أثري، مع انك في اداب اثار والكتاب ده مقرر عليكوا!!!!
4. لما العميد يقفل المدرج الوحيد الي دفعتك الغلبانة كانت بتاخد فيه محاضراتها عشان يعمله مكتب ليه مع انه عانده مكتب زي الفل!!!!
5. لما تحضر محاضرتين ورا بعض كل واحدة فيهم تلات ساعات وانت قاعد على الأرض ومش شايف حاجة ولا سامع حاجة!!!!!
6. لما تسأل الدكتورة عن معنى كلمة ( بوتقة ) الي هيا كاتباها في كتابها، تقولك: والله يا ابني انا ماعارفة، انا تقلتها كدة زي ما هيا!!!!!!
7. لما تسأل الدكتور ورئيس القسم بتاعك تقوله هو المعجم اسمه معجم ليه؟ يقولك: عشان بيزيل العجمة!!!!!
8. لما تقعد طول الترم محاضراتك تتلغي وما تاخدش حاجة في ولا مادة، وقبل الامتحان بأسبوعين كل دكتور يدي 8 محاضرات ويخلص المنهج ويمتحنك فيه اخر السنة!!!!!
9. لما تروح تشتري الكتاب يقولولك لازم تشتري الكتابين بتوع المادة دي مع بعض، وبعد ما تجيبهم تلاقي الدكتور لاغي واحد فيهم!!!!!!
10. لما تقول لزاميلك يلا بينا نروح المكتبة نعمل البحث، تلاقي كل واحد فيهم هايجيب البحث بتاع قريبه الي أكبر منه بسنة وفي نفس القسم ويحط عليه اسمه!!!!!
11. لما تقول لزامايلك تعالوا نحضر الندوة الي الكلية عملاها عن تطوير الآداء، يقولولك: لا ياعم احنا هانروح نتفرج على المصارعة!!!!!!!
12. لما تدخل مكتبة الكلية وتلاقي أجدد كتاب فيها من سنة1987 !!!!!
13. لما رئيس القسم بتاعك ياخد التلات تلاف جنيه الغلابة الي الجامعة مدياهم لمكتبة القسم عشان تشتري بيهم كتب من معرض الكتاب، ويشتري بيهم كلهم كتاب واحد بالانجليزي، مع ان ما فيش حد في القسم كله بيعرف انجليزي!!!!!!
14. لما يبقى ليك واحد صاحبك في حقوق ومع ذلك بيحضر معاك كل المحاضرات في تجارة!!!!!!!
15. لما تلاقي جوا الحرم الجامعي المقدس معرض بيتباع فيه أفلام أجنبي وشرايط كاسيت وأدوات تجميل وقمصان نوم للعرايس!!!!!!!!!
سلمى